السعيدي ....لك منادي والعلم خير.....

مشرفنا الغالي الشاعر/ محمد السعيدي..مساك الله بالخير وعيدك مبارك آمل ان يكون لديك متسع من الوقت للمشاركة معنا لاعدمتك...

ياسلامي على اللي خوّته نوماس=عدّ مزن(ن) بروقه تشعل شعالي
ي أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

يا سلام يا سلام،

وينك يالسعيدي لا تخلي شاعرنا العائد بقوة ينتظر!

الصفوف ازهلوها

و يا هلا بعودتكم

الصيفي: ياهلا والله وسهلا وعيدك مبارك , وابشر وحنا حاضرين ونشكر لك جهدك الدائم.

الشاعرالكبير هاني : ياهلا والله ومرحبا , وعيدك مبارك , وبيض الله وجهك

وعزالله انك كاسب جميل في جمعتنا , استلم يا الذيب :

مرحبا ردةٍ مثل الذهب والماس = أشهد أنك شفيت القلب يا الغالي
أبشر الله يديمك ياعريب الساس= زان ليل القصيد اللي تهيا لي

هاني
الله عليك وعلى روعة ذا المحراف .


محمد السعيدي
ماغاب من جاء وحياك الله من جديد لعرينك الذي أفتقدك كثيراً .

سروها يالربع وحنا نتابع عن قرب .

الصييفي ...بيض الله وجهك على جهودك الطيبة لجمع الاحباب....لاخلا ولاعدم

سعد....الأروع هو متابعتك المستمرة وتشجيع الجميع لاعدمتك....


محمد السعيدي ...لاهنت وشاكرك لقبول الدعوة وهذا يدل على نبل أخلاقك وتواضعك...لاخلا ولاعدم...


استلم لاهنت/

انت من روس قوم(ن) يرفعون الراس=والسوالف كثيره مالها تالي
كانِ ثار الدخن واستفزعوا بالناس=اعتبرني يمينك قول وافعالي

هاني
خالي السعيدي
ياحي الشعار عزالله انا بنستمتع في المحاورة مع رموز الشعر

خالي علي : يامرحبا بك ومسهلا , متابعتك شرف , لاعدمناك

الرائع هاني , استلم :

والنعم بك فعولك للعرب نبراس = بان طيبك ياهاني قول وأفعالي
لو عرفنا ربوعك ياصليب الراس= كان تم الشرف ياطيّب الفالي

الخال علي : يامرحبا بك , وجودك شرف لاعدمناك.

الرائع هاني , استلم :

والنعم بك فعولك للعرب نبراس = بان طيبك ياهاني قول وافعالي
لو عرفنا ربوعك ياصليب الراس = كان تم الشرف ياطيب الفالي

حيال الله هاني و ابو سفر،
واصلوا الإبدع و لا تهمكم الصفوف!

قواكم الله

علي العجاجي تسلم على متابعتك يالغالي...

العم الغالي لاخلا ولاعدم...


الله الله ياسلام عليك يالسعيدي...

استلم لاهنت/

من صدوف الليالي قد شربنا الكاس=والدهر ياوسيع العرف ميالي
ودّي اخبرك لكن به سبب حساس=والتدري يريّح يا فتى بالي

الشاعر القدير هاني : أعتذر عن التأخير الخارج عن الإرادة , واستلم لاعدمتك :

من برك لليالي صابه الهوجاس = الجمل لانهض للحمل يشتالي
والذهب معدنه مايشتبه بنحاس = لو تدرّى محلك بالسما عالي

محمد السعيدي..ياهلا ومرحبا وعذرك معك نورت المنتدى ....




استلم لاعدمتك/

صار فكري لك الله ياولد محتاس=من صدوف الدهر عايشت الاهوالي
كلّ نار(ن) تراها من سبب مقباس=ماحلا العيشِ في وسط الخلا الخالي

الشاعر العزيز هاني : استلم طال عمرك :

الدهر مايدوم لسالم وجساس = كل رجل يذوق المر والحالي
وين بشار والاعشى وابو نواس= والسديري وزبن وزيد زهلالي