علي العجاجي اقلط لاعدمتك يالغالي....

المهلي مايولي ياهاني

استلم لاعدمتك

ترى ماهوب قصدي لاتخم العلم يا كحيلان=تركد بندقك حذرا تثور بدون علماني
انا مانيب من يجلب على هجر التمر يافلان=ترى اللي يجلب التمر بهجر معروف خسراني

يا سلام يا سلام

واصلوا

متاااااااااااابعين بشغف

محاورة ولا أحلى

ترى ماهوب قصـدي لاتخـم العلـم يـا كحيـلان=تـركـد بنـدقـك حــذرا تـثـور بـــدون علـمـانـي
انا مانيب من يجلب علـى هجـر التمـر يافـلان=ترى اللي يجلب التمر بهجر معروف خسراني

الله الله

وينك ياهاني عجججججججججججل

الإخوة الشعار:

هاني،

و

علي العجاجي،

بياض وجيهكم.

و الصفوف عامرة بالعامري و بقية الربع.

واصلوا لا هنتوا.

حياك الله يالعامري وتسلم على متابعتك.....

العم الغالي لاخلا ولاعدم......


الغالي علي استلم لاهنت/

ترى النية مطية والذهب ماله ثلاث الوان=وابي منك السموحه كان انا بالقول غلطاني
اعرفك ماتجيب الا جزيلات المعان سمان=وانا مانيب اقدم حجتي من دونِ برهاني

العامري
العميد
بيض الله وجيهكم على المتابعة

الزعيم استلم لاعدمتك:

حشى لله انا ماقول لك ياصاحبي غلطان=لاكن من كبر اللقمه تراه يغص يافلاني
انا خابرك تاجر والذهب سلعتك فالاوطان=وراع الصنف يظهر سلعته من كل دكاني

هاني

و

علي العجاجي

ياسلام سلم .... لا خلاء ولا عدم واصلو وحنا معكم مستمتعين بجزالة المحاورة .

حياك الله ياسعد وشاكرك على مرورك لاخلا ولاعدم...




هلا وغلا بعلي.....


استلم فديتك يالغالي/

على ماسهل الله ماعليه يارد الظميان=ومقصودي نجمع ربعنا الاقصى مع الداني
عسى مزن(ن)تزبر فوق دارك ماطره ودان=يعم الكل من خيره يسيل بكل شعباني

سعد
هلا وغلا فيك ومشكور على متابعتك

الزعيم هاني

المهلي مايولي واستلم طال عمرك

انا عارف ترى قصدك وحنا كا ابونا اخوان=وانا اعدك ترى استادي وحاسبك اكبر اخواني
عسى ربي يلم الشمل يارجال فالاوطان=وكل(ن)يرجع لداره ولو طال(ن) الازماني

الأخ الغالي علي العجاجي صح الله لسانك وسلمت يالغالي واقول ماعليك زود والحقيقه انه كان لي الشرف في اللعب معاك ولقد استفدت منك كثيرا ...والعذر والسموحة ان كان بدر مني خطا او زلل ومثلك يعذر لاهنت وبارك الله فيك ولنا لقاءات قادمة ان شاء الله...
كما اشكر كل من تابع معنا واخص بالشكر العم الغالي والاخ الغالي سعد حيث لهم جهود يشكرون عليها لتفعيل اواصر المحبة في منتدانا الرائع....للجميع كل تحية وتقدير..



اخوكم/هاني

الاخ الغالي والشاعر الكبير هاني

صح بدنك والشرف كان لي ياطويل العمر لانك شاعر تشرف اللي يلعب معك بشعرك وباخلاقك وبادبك الجم ولاحصل الا الزين واتمنى مايكون حصل مني قصور والا غلط واللي مثل يعذر ولنا لقاء قادم باذن الله تعالى

بيض الله وجيهكم على هالمحراف الجزل ولاهنتوا

بيض الله اوجيهكم على هل المحاوره الجزل والرائعه واتمنى لك المرتبه العاليه في الشعر
معكم اخوكم عاشق الزين