كـبستي <<لأول مرهـ

ماشاء الله تسلم ايدينك ياام سعد

وعليكم السلام ورحمة الله وبركاته



هلا والله ومرحبا



بـ أم سعد



ويننا عن ذا الدسم من زمان شابه على كبودنا بالحلآ ألين تطنجنا من السمنه .



أثرك إلا بغيتي جيتي قرمه بصراحة مهوب من حبي للدجاج بس شكل طبختك تغري ... إلي ما فهمته من كلامك هو تنقيع الرز مع ( الكرز ) أقصد الحبحر ... وش بيفيد ...!!

وإلا إلي بالصورة شكل جمالي وتجهيز علشان تكبسين عليه ...!!

أتوقع إذا الحبحر ما طبخ أو أنفقش بسوطة مهوب مطعم فيه .




على كلاً تراء ذا الكبسه مهيب سادتنا منك ... طحنا فيك نبي نشوف أبداع أكثر من كذا وتستاهلين أحلى تقييم .




نجي عند أزين شي بالدنيا ... جريش أمك الله يحفضها وياقاها لكم ... شكله بالحافظه هبال ومغري .






دمتِ بحفظ الرحمن

ما شاء الله ما شاء الله

وش هالسنع يام سعد



ومسوية فيها من اول ما اعرف للكبسة ومدري وش


بصراحة بحكم خبرتي المتواضعة في الكبسة اعطي كبستك 10 على 10 وبدون اي مجاملة


ما شاء الله


من تتبيل الدجاج لشخل موية الدجاج وكبس الرز عليها الى تتبيلة الدجاج قبل الفرن


ما شاء الله كبسة لا يعلى عليها

الــكــبســه
بعد سنوات من التجارب صارت تضبط معي نوعاً ما لذالك جبت لكم تجربتي ..

تخبرين تجربتك ذيك الي يمكن قبل سنتين ولا بعد حاطتها في سعة الصدر

بـ : ملح - فلفل اسود - زنجبيل طازج مبشور >>هذا مجهزته امي الله يحفظها في الفريزر مكعبات عشان يكون جاهز للاستخدام متى ما احتجناه - فص ثوم (ص) مهروس - عصير ليمونه - بهارات ..

طيب هذي تتبيلة الدجاج كم نخليها على الدجاج ؟؟












طيب كان فيه بصينية الفرن 3 انصاص الدجاج وراها على الصحن صارت نصين .... النص ثالث وين راااااح <<<< مشكلة الي يدقق واجد

















و يا سلام على السلطة ترى نطالبك بموضوع مستقل لها









ام سعد


يعطيك الف الف الف الف عافية


صراحة شغل مرتب ونظيف بالحيل


ما شاء الله عليك


عاد الحين خلاص مالك عذر دامنا درينا انك شنعة الله الله بالدسم




مشكورة عل ىالموضوع وما قصرتي يام سعد

وعليــكم السـلام والرحمـه ’’

ما شـاء اللـه ما شـاء اللـه .. وينّـي عـن ذا الكبسـه ؟ّ!

ما شـاء اللـه تبـارك اللـه من شرحـك بايـن إنـهـا خطيــيييره ,,

بـس ودي إنـي شايفـه الصـور > ما طلعـت عنـدي :/ ,,

..

تسلـم يمينـك علـى هـ السنـع ’’

ننتظـرك فـي أطبـاق دسمـه ثانيـه ,’

..

ســـري للغــايه ..

حــياك الله ..

طيب واللي جوعان ومايقدر ياكل ؟ << طيب وش تبي

الله يكون بعونه

مثلي لاشفت البصل قفلت معي .. بس مجبور آكله لان بعضهم الله يهديه يقطع البصل قطع صغيره يعني لو شلتي اللي فوق بتتفآجئين في اللي تحت بعد

ايه عاد البصل بألاكل يحوم الكبد حتى لو كان صغير مر ه .. عشان كذا اقطعه كبار مره عشان اضمن مايبقى منه شي الا شخلته..

ــ

الكبسه اليمه ..

ودي اعرف هي مدحه ولاسبه

والله يام سعد انتم شغلكم حوسه ويتعب .. اقصد بآ أنتم يعني حقين اللي يحطون بصل وكشنه ومدري وش

ايه هــذي ضروريه للرز .. وبعد فيه حشوات صعبه بس ما احب اسويها لصعوبتها ..

انا بعطيكم نبذه عن كبستي

يــشرفنا والله نقرى طريقتك ولو تنزلها مدعمه بالصور ياسلااام ..

طبعا ما اكبس الا على حطب ماقد كبست في بيت ..
اولا اذا كنت عجز اجيب زيت اقول مهوب لازم .. زيت الدجاجه يقوم بالواجب آحط الدجاجه وعلبة صلصه والمويه واخليها على الحطب حدود ساعه ثم اجيب الرز واكب الملح .. واخليه نص ساعه او ساعه الا ربع وخلآص هذي كبستي

الدجاجه تطبخ بروحها ساعه كــــثير والله .. وتكبس مع الرز احس بتختفي من كثر الطبخ

وطعمها يعجبني اكثر من كبسة البيت .. يمكن لاني اسويها على حطب .. ( طبعا القدر يروح فحمه ) بس اهم شي العيشه ق1

منــ جد يمكنك صادق تكون احسن من البيت .. لانها على فحم واتوقع بيصير نكهته احلى من الفرن..
غير ان الرجال مشهورين عندهم نفس بالطبخ حتى لو انهم مايطبخون كثير >>جدا هذا الشي ملاحظته

~ عوآاآافي آم سعد والصور خونفشآريه ..}

الله يعااااااااافيك



الله يعطيك العافيه اخوي سري ..

ماقصرت على المشاركه الحــلوه ..

المشاركة الأصلية كتبت بواسطة عطر

وعليكم السلام والرحمة

يالله حيها وحي ما جابت

ما شاء الله وش هالحلا كله

ترتيب + سنع + نظافه + طعم ولا أروع

دام فيه زبادي خلاص مره خطير

,‘

أم سعد الله لا يهينك أبغى طريقة السلطه لأني أول مره أشوفها

تسلم يدينك على هالإبداع

دايم وعامر ان شاء الله

ياهلااااااااا والله وغلا بــعطر ..


نورتي القسم كله يابعــدي ..


وجعلك تسلمين على هالاطراء .. والنسع ماشاءالله ماعليك قاصر من بعد الجريش وانا ابصم بالعشره انك سنعه الله لايضرك ..



وبالنسبه للسلطه ماطلبتي شي ياقلــبي .. ان بغيتي كتبت طريقتها فيذا وان بغيتي موضوع مستقل عنها .. انتي اطلبي بس ..


عموماً هي مختصره كذا :
طبقة خيار مقطع ..طبقة خس مقطع صغير مره - طبقة بطاطس ملقي - باذنجان مقلي..واخر شي خبر .. وبعدها طبعا الصوص >>الي تحبين والي متعوده تسوينه لاي سلطه >>انا كل يوم اخترع ..


واي سؤال حياك الله ..


وتسلمــين على المشاركه ياعمري ..

وعليكم السلام ورحمة الله بركاته


ورا ما ظهرت عندي ولا صوره ....!!

الظاهر جهازي به عله .....


ولاكن ما يمنع ....تشكري على هالسنع يالغاليه شرح وافي ومفصل
بالهنا ء والعافيه على قلوبكم


ربي يحفظك

زيــنه ..

ياهلااا والله وغلااا ..

ماشاءالله عليتس ياام سعد شكله مررره يشهي

واحلى شي الخلطه اللي فووق الدجاااج شكلها رهيييييبه ..

الله يعافيك يا امي.. وبالنسبه لخلطة الدجاج تعطيه طـعم مميز .. وترى معها كركم نسيت لاكتبه>>بدري

اما الهيل والقرفه مع الرز احس انها تخرب الطعم<<تراني منيب احبها مع الرز

يؤيؤيؤ عاد الكبسه من غيرهم سامجه..لانهم يعطون رائحه حلوه للرز ويغطون على ريحة الدجاج وزفرته واحيانا الرز مهما غسلتيه يظل فيه رئحه مو حلوه فهالاشياء ضروريه عشان تعطي نكهه ورائحه وتغطي الروائح الشينه..

والفلفل والله اني احبه خصوصاً حق شقرااء

ايه عاد ماللكبسه طعم بدونه..

والجريشه تسلم يديات اميمتك وجعلها بالجنه.. شكله لذيييذ

الله يسلمك من كل شر ..

والورق عنب اهم شي ماقلتي جاهز ولا مسويته ؟؟<<عشقها ورق العنب

لااااااا والله العظيم بيــتي >>مسويته بنت سعد الله يعافيه عاد من جد حقها لايقااااوم وترى طريقته هنا في المنتدى الي بيجربه مرح يندم ..

تسلم يدينتس باام سعد والله اني جوعااانه <<الو كودو؟

ماقصرتي

جـوعانــه اقلطي الغدا والــم >>متأثره بأخوانها

الله يعافيك ياعمــري وتسلمين على هالرد ماقصرتي ..

المشاركة الأصلية كتبت بواسطة الارجوان

ماشاء الله تسلم ايدينك ياام سعد

الله يــســـلمك يا امي ..

نورتي الموضوع ..

ســـعـــد ..


حــياك الله في القــســم وهـذي الساعه المباركه يوم نشوف ردودك رجعت للمنتدى عـساه دوم يارب ..

ويننا عن ذا الدسم من زمان شابه على كبودنا بالحلآ ألين تطنجنا من السمنه .

ايه عاد وش اســوي
الحلى سهل واهم شي مافيه تقطيع دجاج وتنظيف >>هذا اكثر شي يعقدني ويقرفني

أثرك إلا بغيتي جيتي قرمه بصراحة مهوب من حبي للدجاج بس شكل طبختك تغري ... إلي ما فهمته من كلامك هو تنقيع الرز مع ( الكرز ) أقصد الحبحر ... وش بيفيد ...!!

خلاص المره الجايه لحم >>بالحيل

هو مهوب تنقيع تنقيع .. بس بالعاده اغسله واحطه مع الرز عشان ما انساه الاجيت اكبس الرز غير انه مثل ماقلت لساراي مفرزر لذالك اغسله واحطه على الرز عشان يميع بعد >>بس هذا هي السالفه ولاهو اساسا ماينقع ولو نقعته مايتغير شي في السالفه ..

وإلا إلي بالصورة شكل جمالي وتجهيز علشان تكبسين عليه ...!!

لا والله اكون مجهزته عشان ما انساها فأحطه على الرز عشان اكبسه مره وحده..

على كلاً تراء ذا الكبسه مهيب سادتنا منك ... طحنا فيك نبي نشوف أبداع أكثر من كذا وتستاهلين أحلى تقييم .

ابــشروا بعــزكم .. تستاهلون والله على ذا الردود ..
ومــتى ماسويت شيً يستاهل مايحتاج بنزله .. والله يعافيك على التقييم..

نجي عند أزين شي بالدنيا ... جريش أمك الله يحفضها وياقاها لكم ... شكله بالحافظه هبال ومغري .

الله يجـزاك الجــنه ووالــديك ..


ماقصرت على هالــمشاركه والرد عافاك الله ..

أبـــو ربيــع ..

حياك الله اخــوي ..

ما شاء الله ما شاء الله
وش هالسنع يام سعد

الله يعاااافيك ..

ومسوية فيها من اول ما اعرف للكبسة ومدري وش

الا والله ماكنت اعرف.. وترى ذي مهيب اول مره وعلى طول نزلتها لااا سبقها تجارب فاشله

بصراحة بحكم خبرتي المتواضعة في الكبسة اعطي كبستك 10 على 10 وبدون اي مجاملة

والله ..!!! عساه صدق

ما شاء الله
من تتبيل الدجاج لشخل موية الدجاج وكبس الرز عليها الى تتبيلة الدجاج قبل الفرن
ما شاء الله كبسة لا يعلى عليها

الله يعافيك والله كبر راسي بعد ذا المدوح

تخبرين تجربتك ذيك الي يمكن قبل سنتين ولا بعد حاطتها في سعة الصدر

ايــه ترى الشغالات طلعوا غاشيني معلمني غلط ولا انا سنعه

طيب هذي تتبيلة الدجاج كم نخليها على الدجاج ؟؟

مانخيلها عليه وقت معين .. لانحطها وندخلها الفرن دايركت ...

طيب كان فيه بصينية الفرن 3 انصاص الدجاج وراها على الصحن صارت نصين .... النص ثالث وين راااااح <<<< مشكلة الي يدقق واجد

هههههه النــص الثــاني للحرفيات

و يا سلام على السلطة ترى نطالبك بموضوع مستقل لها

ابـــشر بسعدك.. اصلا السلطات افكر اسوي لها موضوع مسـتقل لان قسمنا يفتقر لها

ام سعد
يعطيك الف الف الف الف عافية
صراحة شغل مرتب ونظيف بالحيل
ما شاء الله عليك

الله يعافيك ويسلمك من كل شر ياخوي ..

عاد الحين خلاص مالك عذر دامنا درينا انك شنعة الله الله بالدسم

ان شاءالله

مشكورة عل ىالموضوع وما قصرتي يام سعد

ان الي اشكركم على هالردود والتفاعل الي يشجع..
الله يعافيك وماقصرت على هالمشاركه

المشاركة الأصلية كتبت بواسطة سمى 9

وعليــكم السـلام والرحمـه ’’

ما شـاء اللـه ما شـاء اللـه .. وينّـي عـن ذا الكبسـه ؟ّ!

ما شـاء اللـه تبـارك اللـه من شرحـك بايـن إنـهـا خطيــيييره ,,

بـس ودي إنـي شايفـه الصـور > ما طلعـت عنـدي :/ ,,

..

تسلـم يمينـك علـى هـ السنـع ’’

ننتظـرك فـي أطبـاق دسمـه ثانيـه ,’

..

هلاااا والله ســمى..


وتسلــمين يا عمري على المشاركه ..

اما الصــور والله ضاق صدري لاني بعد ما اشوفها واظن ماطلعت عند ام محمد ..
هــذا موقع تحميل جــديد شكل المشكله منه ..؟؟

عموما خــيرها بغيرها .. والكباسات الجايات اكــثر



يعطيك العافيه على مشاركتك ..

المشاركة الأصلية كتبت بواسطة ام محمد

وعليكم السلام ورحمة الله بركاته


ورا ما ظهرت عندي ولا صوره ....!!

الظاهر جهازي به عله .....


ولاكن ما يمنع ....تشكري على هالسنع يالغاليه شرح وافي ومفصل
بالهنا ء والعافيه على قلوبكم


ربي يحفظك

حياك الله يا ام محــمد ..


والصــور والله ما ادري عنها لامس وهي طالعــه ..


عموما تسلمين على تواجدك في الموضوع ..


وربي يعطيك العافيه ..


ماقصرتي ..

المشاركة الأصلية كتبت بواسطة الذيـب مــســلـي

كثر الله خيرك اختي ام سعد علي الطبخة الجملية
بس شكل الدجاجة مرهمه ههههههههههههههه

يشين السماجه


السماجه لاحقتك حتى بالمنتدى

أم سعد ..

ياهلااااااااا والله وغلا بــعطر ..


نورتي القسم كله يابعــدي ..

هلا بك والله منور بوجودك

وجعلك تسلمين على هالاطراء .. والنسع ماشاءالله ماعليك قاصر من بعد الجريش وانا ابصم بالعشره انك سنعه الله لايضرك ..

موب إطراء والله صدق ^_^ .. ما أخذناه إلا منكم

وبالنسبه للسلطه ماطلبتي شي ياقلــبي .. ان بغيتي كتبت طريقتها فيذا وان بغيتي موضوع مستقل عنها .. انتي اطلبي بس ..

الله مير يسلمك ويعافيك أحرجتيني والله

عموماً هي مختصره كذا :
طبقة خيار مقطع ..طبقة خس مقطع صغير مره - طبقة بطاطس ملقي - باذنجان مقلي..واخر شي خبر .. وبعدها طبعا الصوص >>الي تحبين والي متعوده تسوينه لاي سلطه >>انا كل يوم اخترع ..

تسلم يدينك وان شاء الله بداية الخير كل يوم تعالي عطينا شي من يدياتك الحلوين

واي سؤال حياك الله ..

ما قصّرتي كفيتي ووفيتي الله يعافيك ويسلمك

اشتهيت السلطه بصراحه علشان كذا طلبتها منك

ودّي وعبير عطري