الهديه >>بصراحه وش تعني لك ؟؟

الســــلام عليكـــم ..

من زمان ما كتبت موضوع هــنا وقلت اكـتب ذا نزاله لزينه >>بدري
فطرا علي ذا الموضوع بما انه يشغلني هالايام >&g أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

---

التعديل الأخير تم بواسطة أم سعد ; 30/06/2009 الساعة 03:06 AM.

حسيت اني مالي داعي يوم قريت الموضوع


ما ادري ليه يعني يوم قريت كلامك صار عندي مفهوم ثاني للهدية


يعني الحقيقة انا اعتبر الهدية دايم تكون مجاملة

ما ادري يمكن لان ما قد جتني هدية بدون مناسبة


عموما الهدايا ما تهمني كثير


انا اعتقد ان الحريم او النساء يحسون بقيمة الهدية اكثر من الرجال <<< في اعتقادي







نجاوب على الاسالة

- أغلــى هديه (معنوياً) وصلتك واقربها لقلبك..؟؟

هدية وصلتني من واحد غالي عبارة عن برنامج صوتيات لانه كان يحب يسمع صوتي

اغلب الاناشيد مسجلها علشانه

- أغـــلى هديه بثمنها ؟؟

سيارة من الوالد الله يطول بعمره

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

اظن اني جاوبت عليه في اول الرد

- اطرف هديه وصلتك ..؟؟ يعني لها موقف طريف..

صراحة عصرت مخي ما لقيت شي

- هـل كانت الهديه سبب في تصالحك مع شخص غالي تزاعلت معه ..؟؟

برضو ما فيه

عموما انا حبيب اذا زعلت على احد ارضى بدون هدية

- اخر هديه وصلتك... واخر هديه اهديتها ..؟؟

امس

نظارة شمسية من اختي



اخر هديه اهديتها

حلاو من سعد الدين لولد اختي يومه في المستشفى







ام سعد

ما قصرتي على الموضوع


صراحة موضوع متميز كعادة مواضيعك

.

وعليكم السلام ورحمة الله وبركاته

موضوع أحبه كثير

يعني الهدايا تعني لي أشياء كثيره ومهما كان نوعها أقدّرها بشكل لا يوصف ، يكفي ان الشخص قدّرني وراعى شعوري وأهداني شي لو كلمه وحده بتظل حافره غلاها في القلب طول العمر

اما اذا كانت بمناسبه مارح يصير لها ذاك الطعم لان الكل رح يجيب هداياولانها يمكن تعتبر مجامله لا اقل ولا اكثر او واجب اجتماعي..

صدقتي والله

يعني أحياناً تحسين ان هديتك مالها طعم إذا كانت في مناسبه ، بس لازم هالشي أكيد

وهدايـــا.. تكونمن غير مناسبه (مفاجئه) من ناس غاليـــن حتى لوكانت بسيطه أسم أنها هدية يكون لهامعزه خاصه و وقع خاص.. وممكن تنعش مشاعرنا وتعطينا نظرة حلوة للحياه حتى لو كانتمجرد ورده او كرت

أقدّر هالشي كثير

اقدارنـا ~ هدايا مغلفه لانعرف مابداخلها ! ومعرفتك من اجمل هداياالقدر

عباره أكثر من رائعه

- أغلــى هديه (معنوياً) وصلتك واقربهالقلبك..؟؟

كانت عباره من وحده من أغلى الناس لقلبي هي بنت خالتي وأقرب وحده بالحياة لي قالتها لي بالمسن ودمعت عيوني وأنا أقرا هالكلام حسيت فعلاً انه أحلى هديه ممكن أتقبلها في يوم ، ومن هنا أرسل لها انك انتِ أحلى وأغلى هديه ممكن أحلم فيها وألف الحمدلله على هذي النعمه اللي رزقني اياها ربي

- أغـــلى هديه بثمنها ؟؟

كانت لاب توب وجوال من اختي الله يعطيها ألف عافيه ويرزقها كل اللي ببالها

- ماقيمة الهديه لك ؟؟ تهمك ام تعتبرهامجامله..؟؟ او حسب قيمتها الماديه..؟؟

شي مره مره أقدّره وأحبه ^_^

يعني لما أكون في محل وشفت شي يعجبني آخذه وأغلفه وأقدمه للي اخترت له الهديه هذي

- اطرف هديه وصلتك ..؟؟ يعني لها موقفطريف..

كانت من بنت خالتي اللي فوق

وهي ماسك وأشياء للبشره من عندها جابته وقالت خليه لك هديه

- هـل كانت الهديه سبب في تصالحك مع شخصغالي تزاعلت معه ..؟؟

الحمدلله ما زعلت من أحد

- اخر هديه وصلتك... واخر هديه اهديتها ..؟؟

آخر هديه وصلتني من أهلي الله يخليهم لي وكانت غدا في مطعم ومجموعه عطر وبودي لوشن وشاور جل

آخر هديه أهديتها كانت لبنت خالتي نفسها عباره عن شوكولا تحبه وكرت مره حلو

بالنهايه أدري اني طولت عليكم لكن أحب هالموضوع كثير

وبقول شي ثاني للي ما يعرفون وش يهدون

أي شي تعرفون ان هالشخص يحبه أو ناقص عليه وبيشتريه بادروه أنتم فيه

وحتى لما تكونون في محل وشفتوا شي يصلح له اشتروه وقدموه بأحلى طريقه

أم سعد .. الله يعطيك ألف عافيه على هالموضوع اللي من أحلى ما يكون

.

وعليكم السلام ورحمة الله وبركاته


هذي الساعه المباركه يوم شفنااتس نورتي القسم والله



صرااحه موضوعك ممتاااز كنت مفكره انزل شي حول الهديه ..

لاني كنت ابي اهدي ابوي ومحتااره وش اهديه :(


ماابي هدايا تقليديه ( محفظه - عطر - كبك - قلم - وغيرره)

ودي بشي مميز وفيه فتسره

وهذاك نزلتي الموضووع ..


اساسا انتي تشوفين نفسك وش تترك الهديه فيها من أثر ..

تحسينها تقرب بين النااس وتحببهم ببعض ..



- أغلــى هديه (معنوياً) وصلتك واقربها لقلبك..؟؟

عندك الابتسااامه والورود هذولي احسهم ابسط الهدايا بس لها مفعووول قوي

معنوياً .. ابقولتس اخر وحده كانت من اختي بمناسبه التخرج غدتنا ببيتزاهت
ماقصرت والله اخيتي
<<تريشتس


وفيه بعد رساله من اختي الصغيره مسويتا بيدها كلها من الى ..
وكاتبه فيها كلام يجيب العااافيه


- أغـــلى هديه بثمنها ؟؟

لاب توب وجوال .. كثر الله خير منهو من خيره



- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

قيمه الهديه عندي على حسب الشخص اللي اهداها ..
اذا هو غالي اكييييد بتصير غاااليه مثله

ابداً الهديه مااعتبرها مجاامله يكفي اني جيت على باله هذي بحد ذااته هديه
وشلون اذا ذكرني بشي ..


وابداً مو بقيمتها الماديه .. يعني فيه هديه تجيك مهيب غااااليه لكن من شخص غااالي
بس تكون عزيزه على قلبك ..


- اطرف هديه وصلتك ..؟؟ يعني لها موقف طريف..

كرتون ببسي
والرساله اللي من اختي



- هـل كانت الهديه سبب في تصالحك مع شخص غالي تزاعلت معه ..؟؟

لاالحمدلله ماقد تزاعلت من احد



- اخر هديه وصلتك... واخر هديه اهديتها ..؟؟

اخر هديه وصلت كانت من خالتي ..
اخر هديه اهديتها كانت محفظه لأمي الله لايخليني ..




تسلمين ياام سعد موضوعك مميز تشكرين عليه ..

تعالي كل يوم

أبــو ربيـع ..


حياك الــرحـمن ..

حسيت اني مالي داعي يوم قريت الموضوع

لا شدعوى ..

يعني الحقيقة انا اعتبر الهدية دايم تكون مجاملة
ما ادري يمكن لان ما قد جتني هدية بدون مناسبة

فعلاً غالباً تكون مجامله اذا كانت بمناسبه..لانا احياناً نكون مجبرين نهديها مثل مناسبه زواج او مولود هذي اجباري علينا نهدي له شي ..
بس لو جـتك هديه من غير مناسبه وغير متوقعه بيكون لها تأثير كـبير حتى لو كانت بسيطه وتكون أغلى واكبر بكثير من هديه ثمينه ومتوقعه ..

عموما الهدايا ما تهمني كثير
انا اعتقد ان الحريم او النساء يحسون بقيمة الهدية اكثر من الرجال <<< في اعتقادي

أأيدك وبقــوهـ .. حتى اني بغيت اكتب هذا في الموضوع بعدين قلت ماله داعي يقولون متحامله على الرجل ..

عموماً ..
مهوب الرجال بعد فيه بعض النساء او الحريم ماتهمهم الهديه ويمكن يقومون بأهداائها مره ثانيه .. لكـن أقول لانهم ماعرفوا قيمتها ولاكان مافرطوا فيها ..

سيارة من الوالد الله يطول بعمره

اللهـم امـين ..
ما شاءالله الله يعطيك خيرها ويكفيك شرها ..

امس

نظارة شمسية من اختي

عاد صراحه المفروض مايهدونك مدام انك ماتقدر الهدايا ولا تهمك >>حقد


امـزح .. تتهنى فيها يارب ..

ام سعد
ما قصرتي على الموضوع
صراحة موضوع متميز كعادة مواضيعك

التميز في تواجدك ياخـوي ..
واشكر لك ردك الي اعتبره مثابة هديه في موضوعي الهدايا ..

زيـــنه ..

هذي الساعه المباركه يوم شفنااتس نورتي القسم والله

الله يبارك في حياتك .. والبركه فيك منوره القسم ..

لاني كنت ابي اهدي ابوي ومحتااره وش اهديه :(

ماابي هدايا تقليديه ( محفظه - عطر - كبك - قلم - وغيرره)
ودي بشي مميز وفيه فتسره

شـوفي اناا اذا بهدي العنصر الرجالي (أبوي .. اخواني) عــود أزرق أحس يقدرونه الرجال وبنفس الوقت يستفيدون منه ..
او ساعـه ولكـن بما ان الساعات تبي لها ميزانيه كـبيره يعتبر العود افضل.. يعني انك تهدينه عود شي حـلو ..
او عـطر او اي شي من الي ذكرتيهم .. واذا تبين فتسره على قولتك صراحه مافيه الا انك تحفرين أسمه (الله يخليه لك) على بوك او قلم >>ترى حركه حلوه وخصوصا اذا كان ماعنده شي من هالنوع بيحتفظ فيه ..

اما اذا كانت هديتك بمناسبه .. مثلا ترقيه .. او خروج من المستشفى (لا سمح الله) او انه معرس >> تخيلي
امـزح يعني اقصد بمناسبه حلو انها تكون تذكاريه يعني درع او شي زي كذا وعليه مباركه وتاريخ الذكرى..

اساسا انتي تشوفين نفسك وش تترك الهديه فيها من أثر ..

تحسينها تقرب بين النااس وتحببهم ببعض ..

فــعلاً .. خصوصاً اذا كانت من شخص غالي ..

عندك الابتسااامه والورود هذولي احسهم ابسط الهدايا بس لها مفعووول قوي

الابتسامه صحيح حلوه لكن ما اعتبرها هديه نهائي لان الكل يبتسم لي حتى الشغاله >>لحول
اما الورد وااااو احلى هديه لكـن مشكلته يذبل ويتفتت مع الوقت يعني لو مر سنوات عليه ماتدرين كيف تحفظينه >>عندها باقة ورد عمرها بالضبط خمس سنوات ومتوهقه فيها

وابداً مو بقيمتها الماديه .. يعني فيه هديه تجيك مهيب غااااليه لكن من شخص غااالي
بس تكون عزيزه على قلبك ..

فــعلاً

كرتون ببسي

ههههههههههه احب الهدايا الطريفه حتى اني احياناً ما اتردد اهدي كرتون بسكوت او حلاو قديم
يعني يبقى لها ذكرى حتى عندي انا ..

اخر هديه اهديتها كانت محفظه لأمي الله لايخليني ..

الله يخليها لك ..

تسلمين ياام سعد موضوعك مميز تشكرين عليه ..

التميز في تواجدك عزيزتي ..


شاكره لك حضورك المميز ..

عــطــر ..

يعني الهدايا تعني لي أشياء كثيره ومهما كان نوعها أقدّرها بشكل لا يوصف ، يكفي ان الشخص قدّرني وراعى شعوري وأهداني شي

صااااادقه .. حتى هالشــي يمكن يعدل حالتك النفسيه ويعطيك نظره حلوه لاشياء كثيره..يعني شي نفسي ومعنوي وحسي..

صدقتي والله
يعني أحياناً تحسين ان هديتك مالها طعم إذا كانت في مناسبه ، بس لازم هالشي أكيد

اكيد ماراح يكون لها طعم لانها مجامله واحياناً مايكون لها قيمة (اقصد قيمة الهديه) والدليل انا بكثير من المناسبات مثل الزواج نهدي مبلغ مادي يعني لاشي له معنى ولاحتى يبقى للذكرى انه يجي يوم تقول هذا جاني من فلانه.. يعني واجب اجتماعي ومجامله مالها اي قيمه معنويه..

كانت عباره من وحده من أغلى الناس لقلبي هي بنت خالتي وأقرب وحده بالحياة لي قالتها لي بالمسن

الله يخـليها لك يـارب ويديم محبتكمـ ..
يبدوا انكم مافهتموني .. انا اقصد هديه حـسيه مو معنويه لكن غاليها بقيمتها المعنويه يعين غاليه على قلبك ..

عموما الكلام الحلو ايً كان يرفع معنوياتك ويغير نظرتك لنفسك والحياه حـتى لو كان مجامله.. فما بالك اذا كان من شخص غالي ومتأكد انه صادق في كل كلمه يقولها .. شي أكثر من رائع لكـنا نفتقر له يعني احنا مجتمع مايعبر عن مشاعره ولا يقدر الكلمه الحلوه رغم اهميتها بأعتقاد انها نفاق او عيب او اهانه للكرامه >>>تحسون غيرت الموضوع

كانت لاب توب وجوال من اختي الله يعطيها ألف عافيه ويرزقها كل اللي ببالها

امـــــــين ..
وتتهنين فيهم يااااااااب ..

يعني لما أكون في محل وشفت شي يعجبني آخذه وأغلفه وأقدمه للي اخترت له الهديه هذي

عطر ياحليلك نفسي بالضبط .. يعني غالباً الا طلعت للسوق وعجبني شي لازم اخذ لي ولغيري منه واحياناً يكون تافهه بس اذا قدمته هديه يعجبهم ويغلى زود

وهي ماسك وأشياء للبشره من عندها جابته وقالت خليه لك هديه

نفس الكلام الي قلته فوق شي يمكن يكون تافه بس بالنسبه للمهدى له يصير له قيمه وذكرى حلوه

آخر هديه وصلتني من أهلي الله يخليهم لي وكانت غدا في مطعم ومجموعه عطر وبودي لوشن وشاور جل

مشاءالله تبارك الله .. الله يخيلهم لك يارب ..

بالنهايه أدري اني طولت عليكم لكن أحب هالموضوع كثير

لاااااااا بالعكس ماطولتي ولا شي ولاتنسين موضعنا نقاش يعني يستلزم طول الرد والشرح..

أم سعد .. الله يعطيك ألف عافيه على هالموضوع اللي من أحلى ما يكون

الله يعافيك .. مشكوره على تواجدك واجاباتك وافادتنا بأفكار للهديه ...

وعليكم السلام ورحمة الله وبركاته

موضوع جميل النقاش فيه ولكن من كثر الهدايا اللي جتني واللى اهديتها عجزت اتذكرها واجاوب
ولكن لي عوده إن شاء ألله للرد على الأسئله
اشكرك أخت أم سعد على هذا الموضوع
دمت بخير وسعاده

^
^
^
حياك الله .. عاشق القصيم ..


الجـميل هـو حـضورك وتواجدك في المـوضـوع


وفي انتظار عـودتك ونقاشك ..

وعليكم السلام ورحمة الله وبركاته

الهديه شيئ قيم

ومو مهم تكون غاليه أو رخيصه

المهم تكون تؤدي المعنى المطلوب منها حتى لو كانت ورده مقطوفه من حديقه

بتصير قيمهتها مره روعه

وأجمل هديه حصلت عليها هي مصحف وبعض العطورات والأبواك

وميداليات مفاتيح هذا اللي أذكره

يعطيك العافيه أختي الفاضله أم سعد على موضوع الهديه

وعندي لك هديه عبارة عن دعاء مني لك بظهر الغيب

دمتي بحفظ الرحمن

أخوك إبراهيم اليحيى ( العسكري )

وعليكم السلام ورحمة الله وبركاته


الهديه بمعناها وليست بقيمتها




( رحم الله امرء اهدى الي عيوبي ) عيوبنا عندما يكشفها لنا الاخرون ايضا تعتبر هديه




-

أغلــى هديه (معنوياً) وصلتك واقربها لقلبك..؟؟

نصيحة واحد من عيال عمي جزاه الله خير يوم نصحني ادخل وظيفتي اللي انا فيها لاني كنت رافضها بالبدايه

أغـــلى هديه بثمنها ؟؟

مبلغ مالي و قدره 15000 ريال من شخص عزيز على قلبي عرف اني بحاجته ذلك الوقت واهداني اياه دون ان اطلبه منه

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

لها قيمتها الخاصه عندي

و تهمني لاني في مجتمع لايعرف المجامله ( مجتمعي الخاص وليس المجتمع بشكل عام )

ولاتهمني قيمة الهديه الماديه بقدر ما يهمني معناها واعظم الهدايا دائما التي يهديك اياها وهو يعرف انك في حاجتها وتستفيد منها يكون لها وقع خاص لاتنساه فبعض الهدايا التذكاريه قد تنساها مع الوقت

اطرف هديه وصلتك ..؟؟ يعني لها موقف طريف..

ما اتذكر

- هـل كانت الهديه سبب في تصالحك مع شخص غالي تزاعلت معه ..؟؟

لا ابدا لم ولن ازعل على غالي ان شاء الله حتى يكون هناك فرصه لتكون الهديه سبب صلح


-

اخر هديه وصلتك... واخر هديه اهديتها ..؟؟

اخر هديه وصلتني : صندوق وبداخله ( سبحه , عطر , عود , دهن عود , كتاب شعر , ميداليه , وكثير كان داخل الصندوق لكن هذا الي ذكرته )


اخر هديه اهديتها : صنيديق وبداخله ( ورقه بابيات شعر من نظمي وخط يدي , مسك سايل , ومدري وش بعد ما اتذكر بالضبط لان لها فتره )




و اخيرا نشكرك على هالموضوع الجديد المتميز كعادتك ولاتحرمونا جديدكم

- أغلــى هديه (معنوياً) وصلتك واقربها لقلبك..؟؟

من آعز صديقآتي الل مستحيل انسآهآ آبد

- أغـــلى هديه بثمنها ؟؟

الهدية مو بالثمن االهدية بقيمتها عندك وعند صآحبهآ يعني مآيهمني ثمنها ابد يهمني من تكون منه

-- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها

الماديه..؟؟

قيمتها من قيمة صآحبهآعندي ,,طبعاً تهمني إذآ كانت من شخص يهمني ,,ماتهمني قيمتها الماديه

- اطرف هديه وصلتك ..؟؟ يعني لها موقف طريف..

هههههههههه من بنت اخوي جايتني تقول عمه شوفي الهديه بهديها لصديقتي وش رايك فيها ومدري وش قلت حلوه قالت بجيب لخآلاتي هدآيآ قلت وآنآ قآلت روحي منآك قلت طيب خذيت بخآطري
المهم يوم دخلت غرفتي والقاها تقول عمه كل عام وانتي بخير والله فرحت وآآجد

- - هـل كانت الهديه سبب في تصالحك مع شخص غالي تزاعلت معه ..؟؟..

مرة وحده

- اخر هديه وصلتك... واخر هديه اهديتها ..؟؟

اليوم من صديقتي علشان اتذكرها فيها ,, قبل امس اهديتلـ آختي وصديقتي


آم سعد موضوعك شيق جداً

لاحرمنا الله من إبدآعتك المتواصله

تقبلي طلتي

طيف

وعليـكم السـلام ورحمـة اللـه وبركاتـه ’’

اقدارنـا ~ هدايا مغلفه لانعرف مابداخلها ! ومعرفتك من اجمل هدايا القدر

جميلـه العباره ,,

وأنتم هنا في المنتدى ومعرفتي لكم من اجمل الهدايا عندي ..

وأنتي كـذلك ,’

..

- أغلــى هديه (معنوياً) وصلتك واقربها لقلبك..؟؟

سواره بسيطه .. من ساراي .. ما كان لهـا مناسبـه ,,

صح إنهـا بسيطه لكنهـا غاليـه على قلبي ,,

- أغـــلى هديه بثمنها ؟؟

لاب توب من أبوي جعلـه بـ الجنـه ,,

- ماقيمة الهديه لك ؟؟

معنـى سامـي .. ولغـه حلـوه .. اعجـز عـن وصفهـا ,,

تهمك ام تعتبرها مجامله..؟؟ او حسب قيمتها الماديه..؟؟

أكـيد تهمنـي .. ومهمـا كانت قيمتهـا الماديـه .. المعنـى فـي الهديـه .. موب في قيمتهـا ,,

- هـل كانت الهديه سبب في تصالحك مع شخص غالي تزاعلت معه ..؟؟

لا ,,

- اخر هديه وصلتك... واخر هديه اهديتها ..؟؟

آخـر هديـه وصلتنـي شنطـه من أختي ,,

وآخـر هديـه اهديتهـا حلاو لأخوي الصغيّـر > تكلفتـي ,’

يعنـي هـذي أقرب هديـه أهديتهـا الظاهر إنها الأسبوع اللي فات ,,

..

الـف شكـر أم سعـد .. موضوع جميـل ,,

ما قصرتـي ,,

..

- أغلــى هديه (معنوياً) وصلتك واقربها لقلبك..؟؟

واصلتني من زمان وهي حياة الوالدين الله يرفعهم بالعافيه وان عندي ابو مامثله وقسم بالله ..

- أغـــلى هديه بثمنها ؟؟

اتعذر عن الاجابه .. << بلا والله مايجيك الا من ابوريالين

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

الهديه قيمتها كبيره .. فالرسول عليه الصلاة والسلام قال (( تهادوا تحابوا )) وهي من سنن النبي صلى الله عليه وسلم وتعزز المحبه بين الناس ..

والهديه مهما كآن ثمنها .. والله ان الهديه عندي ماتسوى .. لكن اللي يسوى هو اللي مهدي الهديه ..

وياما غالي يهدي الرخيص ويذبحني غلاه .. وياما رخيص يهدي هديه غاليه وودك تفرشه

- اطرف هديه وصلتك ..؟؟ يعني لها موقف طريف..

رضآعه مادري وش اسوي بها اذكر اني تمنيت ان عندي وريع عشان انشبها بفمه << لعد تمنى تكفى

- هـل كانت الهديه سبب في تصالحك مع شخص غالي تزاعلت معه ..؟؟

لا والله ماقد صارت لي صراحه ~

- اخر هديه وصلتك... واخر هديه اهديتها ..؟؟

يالله المستعان + يالله المستعان

آخر هديه موعود فيها مير للحين ماوصلت .. وآخر هديه اهديتها حبي للناس << تصريفات الطفارى

يعطيك العافيه ام سعد على الموضوع الخونفشآري .. والله ان مالي نفس اعلق عليه ومتغلق المشكله لي 11 ساعه و خمسين دقيقه معطل وماحسيت بطعم العطله =(

ثآنتسيو مرتن لوخ ~

- أغلــى هديه (معنوياً) وصلتك واقربها لقلبك..؟؟


هههههه والله قريب (((مضحكه))

- أغـــلى هديه بثمنها ؟؟

والله مذكر <<<من كثرهن الله أكبر


- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟


*انا غنيه واحب الهديه

فيه هدايا صارت واجب يعني هو ماعطيتي فلانه يوم طلعت من النفاس
ولا يوم تزوجت....إلخ

والله ما أنكر إنه له شيء يعني المادي بس ا نا أرضى ولو بورده <<<<تأثير أميره والوحش

- اطرف هديه وصلتك ..؟؟ يعني لها موقف طريف..\

والله جميله مايمدي أقولها

- هـل كانت الهديه سبب في تصالحك مع شخص غالي تزاعلت معه ..؟؟
ما أتوقع
- اخر هديه وصلتك... واخر هديه اهديتها ..؟؟
من فتره عطر

اهديتها والله قبل كم شهر شريت لبنوته اختي خرابيط