مــكياج رجالي >>ادخل وتمكيج قبل العيد

ســــري للغــايه..

أنــــــت رديـــت !!..
والله ما انتبهت لردك لان شكله جــاي بنفس الوقت الي رديت فيه ..

جروح تراني قريت العنوآن واحسبتس تستهبلين وشفت الصور وقلت لا من جدها ذي ..
وآقرا الردود وآحسبهم ينتفونا قلت لا رحنا فيهآ
ومعليش والله آول مره آتسرع لان العنوان ماكان للمزح وذا يعني تسنه صدز "

حـــصل خــير على قولتــك..
وزيــــن انك فهمت قــصدي >>خافت

وتشكرات على مورك وتواجد للمره الثالثه >>عن جد اسعدني ..


يعطيك العافيه ..

أبـــوربيع ..


يالله حـي اخوي ..

لا عاد مهوب لهالدرجة يا جروح ما فيه وسط ابد ابد

مهوب وســط وســـط الي فهمته >>يعني نضيفين ومهوب خكارية ....
يعني كنت اقصد بوسط ناس تهتم بأشكالها ولبسها واناقتها >>وهذا الي اقول انه معدوم عندنا ..
واكــبر دليل على هدرستهم وخلاقينهم شوفوا الحريم يشتكوووون من رجالهم ولو تبحث بقوقل بتشوف ملايين المواضيع وان الحريم حايمه كبودهم .. >>>احس اني حولت موضوعي لنقاش ..

وكذلك الخكارية نسبتهم صغييييييييرة مرة ( في مجتمعنا )

والي يهتمون بلبسهم واناقتهم برضو نسبتهم صغيره

والباقي كلهم وسط

اذا كــنت تقصد بوسط الي نضيفين على قولك ويلبسون لبس نضيف وبس مافيه اي اناقه ولا اهتمام
فانا معــــكم بأن الباقي والاغلبيه وســـط

ترى الحين فيه زبيريات اغلى من جزم كلاركس وميلانو وانتي بكرامة

والله لو انها بمليون تــبقى قــراوه >>بنظري .. ومنافيه للكــشخه والاناقه الرجاليه..
يعني تخيل يجيك واحد كاشخ بثوب وجاكيت بالشيء الفلاني >>معني ما اظن ..وذيك التشخيصه حقت الامراء >>انا كذا اسميها
وبالنهــايه زبيريــه !!.. ماتجي والله .. طيب وش يضره لو لبس جزمه وشراب بالعكس احسها اهم شي بالشكل واكثر شي يلفت ويكمل اللبس..
ولاااااااا تقولون لي مايجي جاكيت وزبيريه ..ياكثر ماشفت كذا والمصيبه انه وقت شتاء فالمفروض يلبس جزمه..ولاتقول اني مبالغه والله هذا حال مجتمعنا ولو تبي اضرب لك مثال مهوب من مجتمعنا الا اقرب بس ماله داعي تحقدون علي زود ..

واسف على الرد مرة ثانية

لكن احب مواضيع النقاش وتوضيح الاراء
لااا شدعوى تأسف .. بالعكس انا احب النقاش وودي بعد اوضح ان الاناقه والكشخه شي مطلوب وفطري بالانسان سواء امرأه او رجل ..
وان بغــيت ترد مره ثانــيه حياك الله والله يسعدني تواجدكم >>>باين انها بتقلبه نقاش جاد ..

حياك الله ..

المشاركة الأصلية كتبت بواسطة معشي الفرس

انا والله رايي ان الرجال اهم شي يجي هندامه نظيف وجهه سفر وريحه زيين اما الباقي مكاييج لا اللي للحريم للحريم معروف واللي للرجال للرجال اللحين لاشفنا المصري بالقاله انواع التعليق عليه الضعيف علشانه لابس جنز وش عاد لو نحط حنا مكااايج اكبره

بـــصراحــه يكفي ردك من بين الردود ..!!..
قلت شـي خفت اقولـــه ..
الجــنز ليش طيب الي يلبس جنز ولابدله مهوب رجال ..!!..
عاد انا ما اقول دائم لا احيانا !!..


عموما الحتسي بذا الموضوع يطول مررره ..ولا ابي اقلبه نقاش >>يقالها ماقلبته للحين

ما اقول الا الله يعطيك العافيه على الرد وماقصرت يا معشي الفرس ..

يعني كنت اقصد بوسط ناس تهتم بأشكالها ولبسها واناقتها >>وهذا الي اقول انه معدوم عندنا ..

يعني ما فيه من الشعب السعودي احد يهتم باناقته

صراحة ما فهمت

يعني كيف الناس تهتم باناقتها بمفهومك

يعني انا صراحة اشوف كل واحد يصير لبسه نضيف وشماغه مكوي ريحته هو زينه

يعتبر انييق


يعني انتي تقصدين ذوق الالوان واللبس

ياختي حنا ما عندنا الا الثوب الابيض والشماغ الاحمر بس

واكــبر دليل على هدرستهم وخلاقينهم شوفوا الحريم يشتكوووون من رجالهم ولو تبحث بقوقل بتشوف ملايين المواضيع وان الحريم حايمه كبودهم ..

لا عاد والله حرام عليهم

وش حنا مسوين علشان تحوم كبودهم

حسيت من كلامك ان الشعب السعودي ولا واحد منهم يتسبح


ارجوا اعادة النظر في الفكرة يا جروح


انا ما اقول واجزم ان كل السسعودين انيقين

لكن مهوب بعد اننا نحوم الكبد ومخلقنين والله قوية كذا

خصوصا اننا فزنا في المركز الرابع بترتيب الاناقة العالمي

ابوربيــع ..
حياك الله اخوي مره ثانيه ..وحقيقه اسعدني تواجدك ومتابعتك ..

صراحة ما فهمت
يعني كيف الناس تهتم باناقتها بمفهومك

الاناقه مفهومها واسع جداً ولو احكي عنها ماخلصت..لكن بما انا نحكي عن الرجل اقولك بالذوق وتناسق الالوان لأن الألوان زي مايقولون لها تناغم خاص وتكشف شخصية الي يختارها وطبعا بالترتيب والنظافــه ..

يعني انا صراحة اشوف كل واحد يصير لبسه نضيف وشماغه مكوي ريحته هو زينه
يعتبر انييق

يـــعـتـبر نظيف... اونقول مرتب ..

ياختي حنا ما عندنا الا الثوب الابيض والشماغ الاحمر بس

حسيت انك من قلب كاتبها ..
هو صحيح كلامك بس ترى الثوب الابيض يجي معه جزمه وشراب <<مهوب زبيريه .. ويجي معه كبكات واقلام وساعــه ..الخ.. والشماغ فيه انواع سواء باللون او حتى الشكل ..فيه الاحمر على قولك وفيه الابيض الساده (الغتره) والابيض الي منقش من نفس اللون وفيه بعد الي تجي على كموني مدري كيف صاير لونها وخامتها مره حلوه بس جد رائعه مع الثايب الشتويه خصوصا الكحلي والبني ..
وبالشتــاء عاد مايحتاج تتعدد الالوان والخامات ..هذا غير الجاكيتات والــدقل الخ .. مهوب ثوب ابيض وفوقه فروه ..
يعني بالعكس فيه اشكال وانواع بس وين الي يهتم بالتنسيق..

لا عاد والله حرام عليهم
وش حنا مسوين علشان تحوم كبودهم
حسيت من كلامك ان الشعب السعودي ولا واحد منهم يتسبح
ارجوا اعادة النظر في الفكرة يا جروح

مهيب فكرتي بالعكس ترى انا ماني متاحمله ولاضد الرجال مثل منتو فاهمين ..بس هذا الي اشوفه واسمعه اقسم بالله كل المنتديات النسائيه مواضيع يشتكون من رجالهم وخلاقينهم واهمالهم لدرجه اني على قولك حسيت انا مافيه احد يسبح..

انا ما اقول واجزم ان كل السسعودين انيقين
لكن مهوب بعد اننا نحوم الكبد ومخلقنين والله قوية كذا

اكــيد مهوب الكل ..
خلاص والله احس اني حومت كبودكم بكثر حكيي..

بس ترى الاحصائيه ماشملت ربع الشعب حتى...شملت مقابلة مع الف شخص يمكن وكانت اعمارهم بين 13 - 65 سنة
فأتوقع انا هالاشخاص من الطبقات المخمليه والي مهتمين بلبسهم واشكألهــم بدرجه اردى من المكياج .. يعني عندهم ناس تصمم وتنسق لهم ...الخ.. يعني مهوب كل السعوديين شملتهم الدراسه ولاكان مانباعد الهنود ...>>ترى الهنود اخر شي في الاحصائيه ويقولون انهم مايهتمون بمظهرهم ابد (ياعزي لهم)


اتمـــنى اني مازعلت احد .. وتكون وجهة نظري وضحت ..
وعالـــعموم فيكم الخير والبركه واهم شي جمال الجوهر مهوب المظهر ..

وكــل الشكر لك اخوي ابوربيع ..ولمتابعتك .. وتحملك غثاثتي وكثر حكيي ..
ويعطيك العافيه ...

هلا اختي جروح <<< وش تبي بعد


لا والله بس احس ان ردك هذا يعتبر منطقي بشكل ممتاز

يعني وضحت وجهة نظرك اكثر


مهوب زي ردك الي قبل والله صكتني الغلقة يوم قريته

حسيت ان شعبنا ماش

لكن دام جت على الكبك والساعة امرها هين

هو صحيح كلامك بس ترى الثوب الابيض يجي معه جزمه وشراب <<مهوب زبيريه

ترى انا اشوف الزبيريات قلت شوي ما هيب زي اول <<< طيب

عاد والله اليوم في الكلاس داخل علينا واحد لابس جنز وتي شيرت وعليه تنسيق في الالوان خيالي قلت وين ذا تشوفه جروح علشان تعرف ان الدنيا لسى بخير

بس يوم نزلت عيوني تحت لقيته لابس زبيرية ولا بعد مقطعة عراقيبها بعد



وبالنسبة لاراء المنتديات النسائية انا اشوف ان فيها اجحاف كبيييير بحقنا والله

وكــل الشكر لك اخوي ابوربيع ..ولمتابعتك .. وتحملك غثاثتي وكثر حكيي ..
ويعطيك العافيه ...

بالعكس والله انا الي احس اني مصختها بكثر الردود لكن اتمنى انها تكون مفيدة وتساعدك على زيادة اطلاعك عن مدى اناقة الشعب السعودي


مشكورة جروح والله يعطيك العافية

لا والله بس احس ان ردك هذا يعتبر منطقي بشكل ممتاز
يعني وضحت وجهة نظرك اكثر

زيـــن .. لان والله احسكم حقدتوا علي >>بعذرهم

عاد والله اليوم في الكلاس داخل علينا واحد لابس جنز وتي شيرت وعليه تنسيق في الالوان خيالي قلت وين ذا تشوفه جروح علشان تعرف ان الدنيا لسى بخير

بس يوم نزلت عيوني تحت لقيته لابس زبيرية ولا بعد مقطعة عراقيبها بعد
مـــن جدك ..!؟؟ ولاتمزح ؟؟


عاد والله اذا جد لا عاد تلومونا ..!!..

وبالنسبة لاراء المنتديات النسائية انا اشوف ان فيها اجحاف كبيييير بحقنا والله

ماشفت شـــي والله ..

بالعكس والله انا الي احس اني مصختها بكثر الردود لكن اتمنى انها تكون مفيدة وتساعدك على زيادة اطلاعك عن مدى اناقة الشعب السعودي

لاااا بالعكــس ردودك فيها نقاش وانا احب النقاش.. ومن ناحية انها بتزيد اطلاعي فأكيــد خصوصا راعي الجنز والزبيريه .. من بعده تأكدت ان شعبنا يستاهل المركز الاول مهوب الرابع ..


شاكره لك حضورك وسعة صدرك ..
ويعطيك العافيه اخوي ماقصرت ...

ياحليلهم أتخيل تسريحة واحد من اهلي فيها كذا























^

^

أحسني بنتهاوش على ذا الثنين


والله سالفه المكياح منتشره عند الخكر يصير متمسمس ويحط مسكره سودا على سوالفه وسكسوته الوذيفه من الكونسلر وكريم أساس


بس عيالنا تلقينهم يوم زواحهم يلقون

مدري لأنهم أول مره يتصنفرون ويدهنون وبان عليهم ولا مخفي عيوب شايف شغله


مشكوره

برايفت


ياعين أبو سكني بنفسجي في تسريحته ذا الخرابيط

قريت كل ردودكم .... وعرفتكم

عروبــه ..

هلااااابك ..

بس عيالنا تلقينهم يوم زواحهم يلقون
مدري لأنهم أول مره يتصنفرون ويدهنون وبان عليهم ولا مخفي عيوب شايف شغله

ايه مرررررره يلقون ..


يعطيك العافيه وتسلمين على تواجدك ..

ليل ..



حياك الله اختي ..
ولو اني مافهمت من ردك شي ..