عميد المنتدى ابوولبد ....تفضل لاهنت

السلام عليكم

الأستاد الشاعر الكبير ابو وليد

اللعب مع الشعراء الكبار امثالك مكسب

ويشرفني ان العب معك ان كان وقتك يسمح

استلم يابووليد لاهنت:

أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

الأخ عساف النجايب:

مرحبابك و مشكور على طلبي،
و الصراحة أنا لي مدة عن المراد
و قد تعذرت من العامري وقبل عذري
مشكوراً قبل مدة.

الآن أنت يمكن تصير ارحم من العامري شوي
لكن لك وعد يالعامري أنني سأطلبك قريبا بإذن الله.

إستلم يا عساف:

البقا بالصاحب اللّي جاي طالبني مولِّع نوره= مولِّع "الزينون" بالعالي و هو وسط الضحى، يا حيِّه
الله يسلمك يالغالي، و يقبل دعوة(ن) مبروره= بس نبغى صفوة(ن) لنفوسنا، في منتدى الرديَّة

الأستاد الشاعر ابو وليد

بيض الله وجهك على اتا حة الفرصه للمبتدئين امثالي

بالأحتكاك مع الشعراء الكبار امثالك

استلم يابووليد:

كم بستان ياخشم الرعن قد قطفت ازهوره = واعرف الطايله والقاصره واعرف الملويه
خابرين الذلول ان درهمت خشيت الباكوره = والمطر مايهل وشبهروا ياعرب بالنيه

مرحبا بك يا عساف النجايب
و اقدّر لك تواضعك
و الفائدة متبادلة.
و المعذرة ان كاني ما ضبطت طرقك،
وش رايك تمشي معي على طرقي
ما دام أنا ما ضبطت لحنك؟
استلم سلمت:

و النعم مثنيّ للبستاني اللِّي وافيات شبوره= و لا حد(ن) يلوم من قال انْ ما به بالبسيطة زيِّه
ما نغَبْط اللِّي قسى قلبه بحق بهيمة(ن) مذعورة= والمطر ينزل برحمة ربنا للراعي و ركبيِّه

حياك الله يابو وليد

والتواضع عندك الله يطول عمرك

استلم لاهنت:

بعض الاحيان تغني عن كلام الرجال الصوره = ودي ابحث معك موضوع فالديره القبليه
يذكرون الحباري عقبكم ياولد مصقوره=انشد اللي حضرها مستلم منك الورديه

الشاعران الكبيران : ابو وليد , وعساف النجايب , بسض الله وجيهكم على ها الطاروق الكايف واصلوووا

محمد السعيدي:
مرحبا بك يبو سفر و تواجدك يشرفنا.

و يا هلا

هلا بعساف النجايب،
إستلم لا هنت:

الصورلياك تاخذها تجيك علومها مبتورة= في الزمان اللي تساوى شرقه و غربيه
الحباري تعشق الديرة اللي بالمطر معمورة= و الدهر ما فيه غير ام سالم و الصّعوّ وعليّه

المهلي مايولي يابو وليد

استلم لاهنت:

يكتب اللي قرا بحروف خذها على السبوره = فرق بين الذي بالشمس واللي بوسط الفيه
من طبع فالبحر ماظنتي ينلقى بابوره = سجلواها برقم(ن) واخفوا الكلمه السريه

حياك ياعساف،
وين الصفوف يالربع؟، أكلنا الخلا:

اضبط إملاك بآخر سطر، ألفك مالها تعبورة= و الفوارق تختفي مع فروق الصيف و الشتوية
البحر ذا الوقت مفضوح، و علومه مهي مستورة= صار له صندوق(ن) اسود وله غواصة و مرّية

الشاعر الكبير((ابو وليد))

مايمنا صفوف الربع منشغلين

الله لايشغلنا الا بطاعته

صح الساااااانك وبيض الله وجهك

على منحي الشرف ومجاراتي في ها المحاوره

وسامحنا على القصور

الى اللقاء في محاورات قادمه

أخوي عساف النجايب،
بالعكس أنا المستفيد،
و أشكرك على هذا المحراف الشيق،

ولك و للإخوة المتابعين عن بعد كل تحية.

و يا هلا