أفضل 10 لاعبين مروا في تاريخ الكرة السعودية

فرحان بالقصيده خلاص بلها واشرب مويتها راح راعيها والحين دور وحده لحسين هادي ولا على يزيد وحطها >>>> حبيب ألبي سيف الملاعب ليش ماذكرت( سندباد العرب ) اللاعبالكبير / عبدالرحمن البيشي ولا علشانه مطلع ريحتكم عقب الهدف العالمي .......

وأبشر الأولى تقولي راح راعيها خلاص طيب إستقبل خذ الثانيه وعلى فكره ترى راعيها مار اح ......





صح لسانك يا نصراااوي مره وحره ياعذاااال

سيف الملاعب ،، عسى منتب مصخّن بس ،،!!

.

اذا انا ابسوي مثلك يا فهد وابحط لكل نجم هلالي قصيده يبيلي منتدي قصائد نجوم الهلال واحطك مشرف عليه يا فهد ولا احط سليمان مشرف احسن منك .

فارس تميم لا الحمد لله انا بخير .

بسم الله الرحمن الرحيم

و هل يخفى القمر اكيد ابو عبدالله

المركز الاول: ماجد احمد عبدالله

المركز الثاني: فهد الهريفي

المركز الثالث: يوسف الثنيان

و مشكور يالسيل على هالمواضيع الحلوووووه

تحياتي وش رايك يا السيل

سيف الملاعب جب لي انجازات ابو يعقوب وقارنها با ابو هرف

انا اخبر انك متابع جيد لمنتديات النصر يعني بتلقى اكيد موضوع
انجازات فهد

مثل هداف كاس اسيا


جبها وجب انجازات ابو يعقوب وشف من احسن

وبعدين ماجد انجازاته ماتقارن
تجي تقول مهارات وما مهارات

اشوى ان ماجد متخصص باهداف التسحيب من نص الملعب
واذا ماتدري اسأل السلومي وهو يقولك

ماذكر اني شفت هدف للثنيان كله تسحيب
ولافيه هدف موجود بالذكرى مثل هدف ماجد على الصين
ونيوزلندا والكويت

كلامك مهارات وتهديف انت غلطان

ماجد بمراااااحل متعدي ابو يعقوبك


وما يتقارن اصلن


حتى ابو هرف بعد

اذا بتقارن يوسف قارنه بفؤاد بسعيد
بالخليوي

على الرغم من هلاليتي ..

ولكن الواقع لا يمكن تغييره ..


وافضل من لعب في المملكة هو ماجد عبدالله .. بشكل عام .. وبمجموع اساسيات اللاعب الكامل ..

كتهديف .. كمراوغة .. كسرعة .. كأخلاق ..

وبمجموعها فهو الافضل ..

قد يكون هناك لاعبون يتفوقون بالمراوغة أو أو أو


= ولكن لا اعتقد انهم يجمعون كل هذه المواصفات ..

=============================

رأي خاص .. والله العالم ..


أفــلاطون . . .

بسم الله الرحمن الرحيم

إلى جميع ألأخوان الأعزاء بإستثناء الغالي سيف الملاعب

ياجماعة الخير ماجد أحمد لاشك أن نجم من نجوم النصر فقط لاغير ( يعني لايقول لي أحد إنه نجم المنتخب )

أيام ماجد في المنتخب هل حققتوا التأهل إلى كاس العالم, كاس الخليج اللي فحط فيصل بن فهد يحاول فيها عيت تجي معه ( حتى إذن الله سبحانه وتعالي ثم إبداعات النجم العالمي سامي الجابر ) كاس العرب

كل هذه خلال 10 سنوات فقط يعني من قال ماجد خلاص أعتزلت والخير هل على الكره السعوديه 3 كاس خليج 3 مرات تأهل لكاس العالم 2 كاس عرب

ومن خلال آخر سبع سنوات اللي هي مدة أعتزال أبو أحمد من نادي النصر لم يحرز النصر أي بطوله ( على ماأعتقد)

لذلك نجد تأثير ماجد في النصر أقوى من تأثيره في المتخب فالنصر خسر بأعتزال ماجد والمنتخب ربح وبقوه بإعتزال ماجد بالعربي ماجد كان عاله على هجوم المنتخب السعودي وفيه ناس كانت تقول إن شاري خانته في المنتخب أو أتته منحه من فيصل بن فهد ( الله يرحمه) لكن بعد ماأعتزل أصبحنا نشاهد سامي, سعيد العويران, فهد المهلل, الشيحان, حمزه أدريس,عبيد الدوسري

أيام ماجد لايمكن أن يتم تغييره بسبب هبوط مستوا فهو عندهم مثل الملاك اللذي لايهبط مستواه واللذي لايخطئ ,
ولكن بعد رحيله أصبحنا نشاهد سامي في حاله هبوط مستواه نجد حمزه أو فهد , في حال هبوط مستوى حمزه نجد العويران وهكذا

التاريخ لايمكن أن يمحى
والأرقام هي الدليل الراسخ في الأذهان

الأخ جدل أعتقد إن لك من أسمك نصيب وتريد أن تجادل لمجرد المجادله فما كتبته عن أبو يعقوب ومقارنته بالهريفي ( أو أبو هرف) كما يحب لك أن تسميه لايمكن ان يقبله العقل
فبين الثنيان وبين ابو هرف مثل اللذي بين السما والأرض

في أواخر الثمانينات وبدايه التسعينات كان المنتخب لايمكن ان يفوز إذا لم يكن الثنيان في الفورمه ( يعني مزاجه رايق) فكان المنتخب يعتمد على مزاج الثنيان فإن أبدع الثنيان فالفوز نصيب المنتخب وإن لم يبدع فإن الخساره أو التعادل هي نصيب المنتخب

ومع ذلك تحاولون دائماً أقحام نجومكم في مقارنه مع أي نجم هلالي ليس من أجل المقارنه ولكن من أجل أن يقترن أسم النصر بالهلال

آسف على الإطاله

بالفعل ياظناني الشوق الغالي كلام سليم جداً جدا ً،،، من يوم ماراح ماجد وصار سامي هو

كابتن المنتخب والبطولات تهل علينا زي المطر ولله الحمد ولا ننسى اخر بطولة والانتصار

العظيم عندما استطعنا يقيادة الكابتن سامي الخروج من مباراتنا مع المنتخب الالماني بـ 8

اهداف فقط لاغير 8 اهداف مقابل 0 شيء جيد،،،، انجاز رهيب بصراحة ،،،
.

.
.
.
.
.
..

.



.


.






.

.اقوول عسا ماشر تكفون يالهلاليين تراني هلالي ولاتفشلونا وش هالتعصب،، والله اللي

يشوفكم يقول يوووه الهلال رايحن فيها والنصر ماشالله من بطوله ببطولة ، وش هالتعصب

كله على ماجد ،، والله حرام عليكم ،، ترى الشمس ماتتغطى بهالسهولة،، يعني ياشباب

الحمد لله الهلال الان افضل من النصر بمراااااحل ولايقارن في النصر من وجهة نظري

يعني في خلال 7 سنوات الماضية احسبوا بطولات الهلال والنصر وشوفوا الفرق ،، مافيه

داعي للتعصب ماحناب فريق ضعيف يحتد للتعصب ، الى درجة انا نجحد رواد من اللاعبين

مثل ماجد وفهد الهريفي ،،، يا ظناني الشوق وياسيف الملاعب النصراوي لو تعصب

لناديه معذور ،، مسكين هو لاقيها منين ولا منين من الرمز ولامن هالبطولات اللي نقرشها

قدام عيونهم والا هاللعيبة اللي اصنقوا عنده،،

يعني انا اشره عليكم يالهلاليين ،، احترموا ناديكم وانتم اكبر من هالتعصب ولاانتم في

حاجته اصلا....................


وشكراً،، ولو انه مهوب جايزن لبعضكم حسيي

السيل اشكرك على الموضوع الجيد

اما بالنسبه للافضل طبعاً ما فيه غير الاسطوره ماجد عبدالله واعتقد ان الملاعب بتجلس (300)سنه ماجاء فيها واحد بنصف مستوى ماجد من جميع النواحي الفنيه والاخلاقيه وكل شي.

وياخواني ارجو منكم عدم مقارنة ماجد باي شخص اخر لان فيه اجحاف بحق
ماجد ماجد وبس

وبعد ماجد بمراحل يعني (200) سنه يجي الهريفي والثنيان

كلامك صحيح يا فارس تميم

بس ما ننكر ان المنتخب حقق انجازات مع سامي والثنيان والهريفي ما تحققت في عز امجاد ماجد .

اما من ناحية مقارنة النصر بالزعيم فهذا ظلم ما فيه مقارنه ويعترف النصراويين بذلك الا ابو جاسم يمكن .

فارس تميم شكراً لمداخلتك اللي مالها داعي بصراحه واعذرني ولو أنك مشرف وممكن انك تشوتني انا وردي لكن عادي ابقول اللي بخاطري.

انا ماقلت لما راح ماجد وصار سامي كابتن للمنتخب البطولات هلت على المنتخب. ياليتك تقرا وتفهم يافارس تميم ماودي انك تصير مثل بعض الاعضاء اللي يفسر الشي حسب مزاجه.

أخوي فارس تميم:
سخريتك من سامي بهذا الشكل لاتدل على انك شخص هلالي كما ادعيت. وأن كنت هلالي فأنت هلالي درجه عاشره أدنى درجات المشجعين الهلاليين (اللي لو راحوا ماعليهم حسوف) وهذه الدرجه كما أسلفت هي من النوعيه اللتي تستمع وتتأثر بأراء الأخرين وخصوصاً الجرايد, وكتابها الرياضيين ثم يأتون إليك ويناقشونك بأمور لايختلف عليها إثنان.

أخوي فارس تميم النقطه الأخرى اراك تفاخر بهزيمة المنتخب من المنتخب الالماني ولم تذكر هزيمة المنتخب من البرازيل بنفس النتيجه في كاس القارات. مع العلم أذا كنت لاتعلم بأن من كان يمثل المنتخب في تلك الفتره كانوا اكثرهم من فريق ( النصر العالمي)

اخوي فارس ماكنت اتوقع انك من الناس اللي ينضحك عليهم بهذه السهوله ( واعذرني في المصطلح اللي ذكرته ) لأن كل الكلام اللي كتبته وبنفس الاسلوب هو اسلوب الكتاب النصراويين
فإن كنت مقتنع بكتاباتهم فتلك مصيبه , وأن لم تكن مقتنع فالمصيبه اعظم

ارجوا اني مااثقلت عليك

الأخ الشاعر والمشرف الرائع علي العجاجي
300 سنه مره وحده . بس ماذكرت اي ملاعب السعوديه ولا العالميه

سيف الملاعب ماودك نغني ياليل ماطولك

منووووووووووووووووووووووووور يا علي العجاجي حياك الله وهذي الساعه المباركه الي نشوفك بالمنتدى الرياضي


فارس تميم

كلامك صحيح 100%


الحين انتم من صدقكم بتقارنون ماجد بسامي ولا الثنيان اذا كان من جدكم فأنتم ما تعرفون الكوره اسمحولي
لو اجيب اي واحد واقوله من ازين ماجد ولا الثنيان بيقول وهو مغمض ماجد الا انتم الله يهديكم
واللللللله ما فيييييه اي مقاااااارنه

انا اقول ان ماجد افضل من الثنيان يله تمشي لكن الهريفي افضل من الثنيان هذي قويه

وعلى قوله جدل انا متابع جيد لمنتديات النصر (وش اسوي ازهق وما القي الضحك والخبال الا عند رمزكم ) .

ظناني الشوق انا ابغني البطوله هلاليه ان شاء الله .

سيف الملاعب خلاص ولايهمك


يوسف احسن واحد بالعالم


وبعدين ؟؟؟

لالا ياظناني الشوق ،، انا وانا اخوك اكبر من اني اشوت احد على حاجه تافهه مثل الكورة

صحيح نحبها ونستمتع فيها لكنها ماتستاهل عضو رائع مثلك ينشات على شانها ،،،

الشوت وانا اخوك يكون غالبا في المواضيع العقائدية و السياسية والاجتماعية الجادة......

يعني يكون في علمك ،والله لايوسف ولا ماجد ولا سامي ولا فهد يعنون لي مثل ماتعني لي

انت وجميع الاخوان في هالمنتدى، ولاحتى يصفون جنبكم ....


بس عندي رد بسيط على كلام ضحكني الحقيقة مدري من اللي قايله انت ولا سيف

الملاعب،، مافيه غيركم ممكن يقوله ،،،

واللي هو : انتم ماتنكرون ان البطولات في عهد سامي اكثر من البطولات في عهد ماجد

مدري الانجازات المهم من هالكلام،،،

ياحبيبي اجل يكون في علمك ان كان هذي طريقتك في الحكم على اللاعبين ترى على فكرة

الانجازات والبطولات اللي حققها المنتخب في عهد ابرهيم ماطر ماتقارن باللي في عهد

المصيبيح وصالح النعيمة وماجد ،،، هل معناته انه افضل منهم !!!

الله بس يصلحكم هذا وانتم الفاهين