:::::::.الطير.:::::

السلام عليكم ورحمة الله وبركاته

والله يالربع ماعندي جديد

لكن تلبية لدعوة عميد المنتدى ابو وليد حبيت اشارككم بهذه القصيدة التي كتبتها على لسان واحد من اخويياي

عساه تعجبكم:

:::::::::::::و أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

يا من لقلبٍ في هـوا الطيـر ملتـاع= والطير فجر به مـن الحـب ينبـوع
أشتاق له و اقزي عن النوم لا ضـاع= و انوح نوح و تزعج العين بدمـوع
لامونـي بحبـه و لانـي بسـمـاع= و من لامني بالطير ما هو بمسمـوع
شفي من البحري غريـبٍ بالانـواع= شيهانـةٍ بحريـةٍ نــادرة نــوع
جثلٍ نحرها باشعـل الريـش شعـاع= بكر تقـول بكفهـا المـوت مـزروع
ماهيـب لا تشـرى ولا هيـب تنبـاع= يومن سواها بـاول السـوم مبيـوع
عوق الطيار ليا فـرد ريشـه وفـاع= خربٍ نهض روحه من الخوف والروع
تهـوي بمخـلابٍ لـلارواح نــزاع= من قو ضربه يودع العنـق مقطـوع
تـورد عليـه بكفهـا كـل قـطـاع= وتسقيه من كاس احمر الموت قرطوع
من ضربةٍ من كفهـا ريشـه امـزاع= و لامن ثنتها تودع الخرب مصـروع
تطفـي لهيـب مولـعٍ صابـه اولاع= على القناصه والهـدد هـده اللـوع
أفـرح بنقلتهـا علـى كـف وذراع= لا صار برقعها عن العيـن منـزوع
و اشوفها واقول يا مرحبـا السـاع= ولا ابعدت عنها مر في يومي اسبوع
و شفي ليا ذعذع من الشرق ذعـذاع= وجول الحباري بالكراويـن متبـوع
و طلعت في وقت القنص كم مطـلاع= في خايعٍ قاعه من الرجـع مرجـوع
تلقى الحبـاري بـه ملابيـد خشـاع= كنهـا تعبـد الله بسكـون وخشـوع
و كشفت عن شيهانتـي كـل منـاع= وعن عينها ما عاد به شـي ممنـوع
اللي لها وقت الهدد سلـم و اطبـاع= متفـرده بعلـوم و سلـوم و طبـوع
قامت تتوق و قلبهـا يقـرع اقـراع= و في عقلها خطت لها كـم مشـروع
و هدت و بدت كنهـا تطـوي القـاع= منها الحباري جا لها سجود و ركـوع
وحامت عليهن حوم ممـدودة البـاع= و اهوت عليهن بين روحات ورجـوع
كن بوزها مع لمعة الشمـس لمـاع= و كن له سبوع بكايد السـم منقـوع
وعيونها عين المها سـود ووسـاع= وكن ريشها في غاية الصنع مصنوع
أخبارهـا باهـم الاخبـار تـنـذاع= وعلومها يسـري بهـا كـل باتـوع
أنـا مدربهـا علـى كـل الاوضـاع= و يا كثر ما عانت من السهر والجوع
لا من دعيت تقـول حييـت يـا داع= و تاقع على كفي بعد حامـت بطـوع
فعلك تراه إبداع يـوم اسمـك إبـداع= و اسمك على فعلك و لاهوب مبـدوع
ما جيت ادور من ورا مدحك اطمـاع= و لا ظنتي في مدحة الطيـر منفـوع
لاشك حبـك موجـعٍ قلبـي اوجـاع= ولا يلام اللي مـن الحـب موجـوع
يقوله اللي في هـوا الطيـر ملتـاع= و الطير فجر به من الحـب ينبـوع

أبو محمد:
مشكور على الفزعة،
و ليت كل مثلك بالقول و الفعل.
عز الله اعطيت خويك قصيدة مليانه،
بس عساه خوي يستاهل ويسوي مثل وصفك له
و عنده شيهانة مثل اللي بالقصيدة؟

صح لسانك وعلا شانك يبو محمد،
و أرجو عدم المؤاخذه على الميانه الزايده
في التنسيق و تعديل بعض الزلات المطبعية،
ما بغيت أشوف مثل هذي فيها و لو مشيخ بسيط،
و تاكلني يدي، مثلك عارف الآن

ويا هلا

الفاضل

خالد


أبو محمد صح لسانك عدد بلا مدد

كفيت ووفيت عنك وعن صاحبك المنسوبه علي لسانه قصيدتك الأكثر من راعة .


من القلب شكراً لتواصلك المستمر والأكثر من رائع


دمتَ بخير

مشكــــوور ولا هنـتـ

عميد المنتدى:ابو وليد
:::::::::::::::::::::


لاشكر على واجب

وصح بدنك يالغالي

وتموووووووووووووون

ومشكور على التعديل والتنسيق.

......................................................................

رئيس منتدى الشعراء: سعد
:::::::::::::::::::::::::

ياهلا ومرحبا

صح بدنك ولاشكر على واجب

.....................................................................

الشعراوي الواصل: الفزعة
::::::::::::::::::::::::

لاشكر على واجب

وماتهون

الاخ خالد

ماقصرت وقصيده اكثر من رائعة

فن وذوق وطرق

تسلم مره اخرى

اتحفنا بجديدك بارك الله فيك

ابومحمد

صح لسانك وبيض الله وجهك على هذه المعلقه الرائعه ولاتحرمنا من جديدك

العم :خالد
صح لسانك وبيض الله وجهك على هذه القصيدة الرائعه ولاتحرمنا من جديدك

ابو حسام
:::::::::

يامرحبا فيك يالغالي
مشكور على كلامك

ومرورك يشرفني

وابشر بعزك
.................................................................

علي العجاجي
::::::::::::

هلا والله فيك يا ابو ابراهيم


صح بدنك ووجهك ابيض

وابشر بعزك

................................................................

الشقردي
:::::::::


صح بدنك ووجهك ابيض

وابشر بعزك

بيض الله وجهك وانا خوك

وياليت نسمع منك قريباً مرثيه بالشهيد الشيخ ابومصعب الزرقاوي (رحمه الله)

صح لسانك يا أبو محمد وياهني الطير بصاحبك وياهني صاحبك بك

صح لسانك يابو محمد على هذه القصيدة الرائعة كما عودتنا ، وأعتقد بأنك سوف تكون

صقار ، وترى الصقاره ما وراها إلا التعب والشقاء ولك تحياتي

ابو محمد : قصيدة أكثر من رائعها , وليست مستغربة عليك

يسعدنا تواصلك لإنه ضمان الإبداع.

الاخ :الناري
:::::::::::

وجهك ابيض وانا اخوك

...............................................

الاخ: ذهلان
::::::::::::

صح بدنك يالغالي ومشكور

..........................................................

الأخ : ثهلان
:::::::::::

صح بدنك يالغالي ومشكور على مرورك العذب

................................................

الشاعر : محمد السعيدي
::::::::::::::::::::

شهادتك اعتز بها يالغالي

ومشكور على مرورك

صح لسانك يابو محمد قصيدة طيبة مثل راعيها