علي العجاجي اقلط لاعدمناك

27/02/2004, 11:19 PM

بسم الله الرحمن الرحيم

مساك الله بالخير يابو ابراهيم , انا مستحي اتجرّا والعب مع شاعر

مثلك لكن نبي الفايدة وسعة الصدر استلم فديتك:

سلام يا الشاعر اللي له مقامٍ كبير
وآثار حبي لشخصه ياعرب باديه
حنا على الدرب نمشي والليالي تسير
الله يديم الستر والخير والعافية أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

28/02/2004, 06:45 AM

الله الله ................

صح لسانك يا عبدالله ..................

أنا بصف محمد السعيدي ..............

ولا يهون ابوحسين .............

عجل علينا يا علي ...........

الأوسمة · 28/02/2004, 07:49 AM

الله الله. الأخ علي العجاجي الكل بانتظار الرد على أبو عبد الله. هذي من بركات المنتدى كل يوم يظهر لنا وجه جديد في "ميدان المحاورة" و لا يخفى على الجميع مجاذيبه؛ " من الما إلى الما راسيات عروقه".
الأخ محمد السعيدي صح لسانك و حياك الله في عالم الفتل والنقض و ابو ابراهيم من أساتذته رغم أنني لست مرجعا في هذا المجال إلا أن النظر إلى مايدور في ميدان المحاورة يدل على ذلك.
أمنتي لكما بالتوفيق.
الصف عامر يا شباب!.

28/02/2004, 12:03 PM

هلا وغلالالالالا,,,

بيض الله وجهك يابو عبدالله ,,, وصح السانك ,,

ازهل الصف وانا اخوك ,,,,وتراي بصفك ولايهون ابو ابراهيم,,,

28/02/2004, 05:48 PM

الشاعر محمد السعيدي

هلا وغلا هاذي ابرك الساعات ياخال وحنا اللي نبي الفايده منك وعلى ماقلت اهم شي سعة الصدر
سعد العبود هلا وغلا فيك مرورك له وقعه في الملعبه
خشم الرعن مرحبا انت الاصل ياطويل العمر
بعير نت هلا وغلا ومرحبا فيك لاعدمتك

سعد انت وبعير ماصدقتوا على الله تشوفون شاعر محاوره جديد الا هملتوا رفيقكم افا بس خالي يستاهل

استلم ياخال
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامرحبا يامحمد والفلك يستدير=مكانتك بالشعر ياخالنا عاليه
سوق الجمل يامحمد وابشر بكل خير=ياخال ابمشي معك لو الرجل حافيه
[/poet]

28/02/2004, 07:15 PM

يامرحبا بعلي ابرك الساعات لعبك معيي يالبناخي , سعد العبود يامرحبا بك

والصف حيّ مادمت فيه , خالي خشم الرعن: شكرا على هاا لمجاملة ومنك نتعلم

البعير تسلم وماقصرت وصفٍ أنت فيه ماعليه خوف إنشاء الله 0

استلم يالبناخي:
[poet font="Simplified Arabic,4,darkblue,normal,normal" bkcolor="transparent" bkimage="" border="none,2,gray" type=0 line=200% align=center use=ex length=0 char="" num="0,black" filter=""]
دام البقابك عدد وبل السحاب الغزير= إلا سقى ارضٍ (ن) عقب طول المدى ظامية
أنا بسوق الجمل والدرب عسر(ن) خطير= ميرالبس نعال عن لدغ الحنش واقية
[/poet]

28/02/2004, 08:02 PM

السلام عليكم ورحمة الله وبركاته
هلا بخالي محمد السعيدي في المحاوره الجميله وانت ياخال ماجيت المحاوره عبث جايها من معمق والله يقويكم 0

والظاهر انا ببلد المليون شاعر مثل موريتانيا مثل ماذكر واحد من الاعضاء
في وقت سابق0
وازهلو الصفوف وانا بصف علي العجاجي اشوف الربع هملوه ماهيب الهقوه صف علي مايهمل ولايهون الخال بس علي غير
تحياتي

28/02/2004, 09:02 PM

هلا بابو عبد الله
يالله انه يحييك وبرفقتك
الطيب والله انه ودي اني اكون
محايد ولكن الخال علي مابداله
خاال ابشر ياخالي ازهل صفوفك
نبي عقلهم تطيح ولايهون ابو عبدالله
االه يقويكم
ومتابعينكم
واصلوا
لاهنتوا

سلاااام

29/02/2004, 05:31 PM

واصلواااااااااااا الله يعافيكم

ترانا متابعين وماسكين الصف

محمد السعيدي هذي الساعه المباركه اللي شفناك فيها وانا اخوك
في ميدان المحاوره وتراني بصفك ولا يهون اخوي علي

علي العجاجي لاتزعل علي الى ما مسكت الصف وابشر بالعوض بمحاوره اخرى

وفي رعاية الله وتوفيقه

اخوكم المشهااااااااااااااااب

29/02/2004, 07:24 PM

محمد بن سيف هلا فيك ياسنايدي وشد الصف لاعدمتك
شعراوي هلا فيك مادمت بصفي اجل ابا ارقد وامن على الصف الله يطول عمرك
المشهاب هلا فيك واهم شي وجودك بصفي والا بصف خالي الحال واحد تسلم على مرورك

خالي محمد اسف على التاخير واستلم لاعدمتك
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الدرب ابا امشيه لو الدرب خطر وعسير=والا الحنش قاريٍ عليه قرانيه
اشوف بعض العرب وده يحوس الغدير=على القشر ياعميل الخير وش حاديه
[/poet]

01/03/2004, 12:28 AM

ابو عبيد يامرحبا بك وما نلومك ان جيت بصف علي ولواني خالك بس قرابة

علي أعمق

شعراوي لاهنت واشكرك على هذا الترحيب وسواءً مع علي والا معي الله يقويك0

المشهاب ياهلا وسهلا والله الله حرك الصف لاهنت

علي مساك الله با لخير واستلم الله يقويك:
[poet font="Simplified Arabic,4,darkblue,normal,normal" bkcolor="transparent" bkimage="" border="none,2,gray" type=0 line=200% align=center use=ex length=0 char="" num="0,black" filter=""]
اجل توكل على الرب العلي القدير= ترا الطراقي على المعروف متخاوية
ترا عميل القشر ماله عوين وخشير= لا صارت النية اللي بيننا صافية
[/poet]

01/03/2004, 10:08 AM

....... ياسلام بارك الله فيكما وأشكركم على هذا الشعر الراقي والعذب

....... السلس ، ولكم تحياتي،،،،،،،،

01/03/2004, 05:05 PM

اجل توكل على الرب العلي iiالقديـر
........................ترا الطراقي على المعروف متخاوية
ترا عميل القشر ماله عوين iiوخشير
......................... لا صارت النية اللي بيننـا iiصافيـة

الله الله ................. صح لسانك ...............

01/03/2004, 05:41 PM

يالله ان تقوي

النشامى

الصبي وخاله

على رديتهم اللي تقعد الراس

01/03/2004, 11:51 PM

ثهلان هلا وغلا ومرورك شرف ونبي توجيهاتك

خالي محمد استلم ياطويل العمر
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نبي نحث القدم ياصاحبي فالمسير=ولاهمنا يامحمد حذف حذافيه
بعض العرب مالهم بالعير والا النفير=افعالهم تب توديهم الى الهاويه
[/poet]

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
علي العجاجي اقلط لاعدمتك يالغالي....	هاني	ميدان المحاورة	26	13/11/2006 06:29 PM
ابن العم الغالي علي العجاجي اقلط على فنجال بريه يقفاه الشبب	القضاعي	ميدان المحاورة	11	15/02/2004 12:55 PM
الشاعر علي العجاجي...اقلط لاهنت	هاني	ميدان المحاورة	17	09/02/2004 02:07 PM
اقلط يابن العم الغالي علي العجاجي الله يحييك على البن والهيل	القضاعي	ميدان المحاورة	18	26/12/2003 11:57 PM
علي العجاجي .....اقلط الله لايهينك	هاني	ميدان المحاورة	15	20/11/2003 03:27 AM