خشم الرعن تفضل الله يحييك

دكتورنا وشاعرنا الفاضل خشم الرعن اسمحلي باللعب معك هالطاروق ولا عليك امر والقصد الاستفاده من الشعار الكبار مثلك وشرواك

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياسلام الله على اللي معه عقلٍ يدله=عد من صلى بمكه وصلى بالمدينه
قالوا ان خشم الرعن لا فتل محدٍ ي أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

حياك الله يبو ابراهيم و عسى الله يقدرنا على الخير، لكن أنا عارف إنك مشرف، فأرجو إنك ما تستخدم كافة الصلاحيات المنوحة!

لك التحية و للوالدين و البنيخي، و استلم لا عدتمك:

يا نديب الخيـر دوِّرْ علي دُورة، و قلّه: @@@ مرحباً من خشم "قارة" إلى خال "الدفيـنــه"

فيه حقه من فنون الفتل دقّه و جلّه @@@ و القمر ما يختفي من ورا غـربــالْ فِيـنَــه

الله الله متابعينكم
ومتحمسين

صح لسانكم يا شعَارنا

خشم الرعن تسلم يالغالي واستلم لاهنت
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انتبه للبيت ياصاحبي وشو حصل له=جود المبنى ياخالي بلبنه ثم طينه
كيف فاتت شاعرٍ كل شاعر شاهدٍ له=شاعرٍ لاغاب كلٍ يقول الخشم وينه
[/poet]

أخوي علي، بارك الله فيك على ملاحظتك و الظاهر إنا لازم "نعرض" قبل نعتمد الشعر حتى نضمن تناسقه. كانت قراءتي لبيوتك مختلفة وهذا ما دعاني إلى زيادة بعض حروف الجر و الكلمات الصغيرة. على أي حال عدلناها و لا لك إلا الرضى يبو ابراهيم و لا نبغى أحد من الجيران يشتكي يقول إنا حاطين ملحق للخدامة و هو بيته دور!

إستلم ياعلي لاهنت:

صارت الغلطة جليّة على غلاف المجلّة @@@ ما تبعنا خطـة الهنـدسي يا تابعينه

كل بيت من بيوتي جمع ساسه و ظله @@@ بَسّ جار الخير يشكي، يقول مكبرينه

خشم الرعن وسع صدرك يالغالي ترى الدعوى سهاله والغرض سعة الصدر

استلم لاعدمتك
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جارك مسالم ولاهوب شاكي دوم لله=دام بني البيت جيد وسيسانه متينه
من عرف خشم الرعن ياجماعه مايمله=صاحبي مثل الذهب والذهب سلعه ثمينه
[/poet]

[poet font="Simplified Arabic,3,black,normal,normal" bkcolor="transparent" bkimage="" border="double,4,silver" type=0 line=200% align=center use=ex length=0 char="" num="0,burlywood" filter=""]
الله يحييك يبو ابراهيم وماجاي منا ومنك إلا العلوم الطيبة، إستلم لاهنت:

الله يديم المحبة، وجاري فاطن له= والنبي وصى على الجار، لو سابع كبينة

جارنا غالي ببيت الشعر و الا بفلّه= فكيف إلى صار المجاور قريب، وعارفينه
[/poet]

استلم يالغالي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
كترت الاسماء وكلٍ معه سيفٍ يسله=بس حنا منتدانا ترانا محتمينه
كل شاعر قام يرسل بيوته من محله=وانت شاعر معتبر حجتك حجه مبينه
[/poet]

السلام عليكم ورحمة الله وبركاته


ابناء العمومه الغالين مساء الخير واجازه سعيده ياابناء عمي

بيض الله وجيهكم وواصلو ترانا متابعين واعذروني على مسكت الصف

والله ما ادري من امسك صفه واحد عندي شارب والثاني عندي

لحيه ولا اكرم من الشارب الا اللحيه ولا اكرم من اللحيه الا الشارب

واااااااااصلو ا يالذيابه وترانا متابعين

الأخ القضاعي: حياك الله وبارك الله فيك على وقوفك وحنا نتابع مشاركاتك الله يعطيك العافية.
تفضل يبو ابراهيم لا عدمتك:

أنت مشـرف، سلطتك شامله للسور كله @@@ حط فوق السور شـايك "اسرائيل" اللعينة

و انتبه من بعض الاشجار لو صارت مظلة @@@ فرعها بالزين يغري و عرقه عرق كينة

استاذي خشم الرعن اشكرك على تقبل الدعوه للعب معك وهذا بالطبع شرف لي والعذر والسموحه ان جاء من شي ونلتقي في محاورات قادمه انشالله

الأخ الغالي علي العجاجي: بارك الله فيك و شكراً لك على إنتقائي للمحاورة و هذا كان لطفا منك، وإلى اللقاء.