تكفون يا هل الشعراء خلونا نحطم الرقم القياسي

كفو والله يا فتاة الشبرمية

الا ممتازة جدا , واستمري على ما أنت عليه وستكونين من شاعرات المنتدى,

ووش تقولون باللي يشكي على سعد والاخوان ويقول:

يا سعد قلبي تولع بالغرام ******* قلبي المكسور مَــــلقاله جبر

اعذر القلب الموشم بالكدام ******* ولو حصل لي قرب منهم منتظر

الغــــرام اللي تولع به كلام ### لو تولع قلب مهمـوم احتضر
الهوى كنه تصافيق العظام ### ما ينومس صاحبه لو اعتصر

من دخل وسط البحر شاف الظلام @@ وشاف به خير(ن) وشر وبه غدر
الهوى والعشق في نص النظام @@ مالقي له نص في خط الحبر

شــابت الابيات واشتد الزحام @@@ و كثرة الترديد يلحقها ضجر
قامـت الصــلاة واقدم يا إمام @@@ وانـتـبه للظهر لا تقرا جهــر
و سلام الجميع.

ولي عجوز كل حي تعسه + حتى سفيهين العرب جايزله

أما أنا فأشارككم للمرة الأولى بهذا الشعر الرديء :
منتداكـم يا شباب احلا كلام ........ لا سبـاب ولا شتام ولا خَـوَر
منتداكـم مرتفـع مثل السـنام ........ فايـق(ن) بالنت عازف للوتَر
مكتمل صافي كما بدر التمام ........ جعل ربي يحفظه طول العمر
واعذروني على الخرابيط ، وترى أنا المتنبي ما أعرف إلا شعر عربي .

ياهلا بك يالهمام ابن الهمام **** انت شاعرنا العريب المعتبر

تحياتي ...................

مشكور اخواني على التفاعل وخصوصا سعد العبود واخي الصحاف وباقي الاخوان ما قصروا وخذواهالبيت:
ما بقالك عذر وان مت باسبابك شهيد *** واكتبوا فوق النصايب توفى من هواه

يا سعد مانيب كفو للهمام ***** أنت شاعرنا كما وبل المطر
أخي الكاسر : حنا اتفقنا على هالطرق معذرة لك .

انت يا بن عبود يالشيخ الهمام @@@ لك تحيه على طول الدهر
وانت الصحاف لك ازكى سلام @@@ ياصلك يالشديد المعتبر

و العذر والسموحه على هالخرابيط اللي كتبتها وان كانت مكسوره ولامتعوره علمونا علشان نفيد و نستفيد ...تحياتي

قلت اتركوا سيل الهوى في مجاريه ****** لوكنت مخطي جايز(ن) لي خطايا

بيض الله وجيهكم ياشباب....بماان القاف شاب....اباابدالكم بقاف جديد


استلموا:

ياسعد ودنا تسمح اليوم نلعب قاف*****على شان الهواوي يشوف الرقم عالي

يشترك به جميع الربع وايضا الصحاف****ويسعد الله مساكم على كل الاحوالي

أشكرك يا أخ هاني وأشكر الجميع لاستنهاضي أناو سعد العبود , لكن عن نفسي حصل لي ظرف

جعلني لا أشارك بهذه الفقرة بالذات.

[poet font="Simplified Arabic,14,black,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
أستلم منك يومٍ الشعر يمشي على الكاف=تحتويني واحتويك وتجلس قبالي
مير خوفك من يجيك بردْ وهْوه ما يخاف=يحسبن الشِعْر هيِّن مثل ربط الحبالي
[/poet]

ودي اشارك اليوم بالمعلبه واخاف><>< الركاكة بوزن المعاني والامثالي

[poet font="Simplified Arabic,14,black,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,white"]

يوم هاني بدا فكرته عادتي ماخاف = لو يغير بشكل الحقيقة والافعالي

شفت فالجو برق ضهر بارقه خطاف = بس ميزت وابل مزونه و انا سالي
[/poet]